Pressemelding

Nr. 22/99
Dato 12. mai. 1999

Ordning for avhending av kvalspekk

I samråd med næringa har Fiskeridepartementet utforma ei ordning som kan avhende den eldste delen av det kvalspekket som ligg på lager. Spekket vil bli omsett innanlands og blant anna brukt til å presse olje. Det er avsett tre millionar kroner til ordninga.

Ein reknar med at minst 250 tonn kvalspekk frå 1996-sesongen og tidlegare år på denne måten kan bli fjerne frå lager. Dette er kvalspekk som ikkje er DNA-testa. Norges Råfisklag administrerer ordninga som gjeld fram til 1. april neste år.

Kontaktperson Avdelingsdirektør Halvard P. Johansen 22 24 64 51