Regulering av fisket etter brisling i 2000
Historisk arkiv
Publisert under: Regjeringen Bondevik I
Utgiver: Fiskeridepartementet
Pressemelding | Dato: 23.12.1999 | Sist oppdatert: 21.10.2006
Pressemelding
Nr. 94/1999
Dato: 23. desember 1999
Regulering av fisket etter brisling i 2000
Fiskeridepartementet har fastsett regulering av fisket etter brisling i EU-sona i Nordsjøen og i Skagerrak for 2000. Norske fiskarar kan fiske 5.000 tonn brisling i EU-sona og 3.750 tonn i Skagerrak.
Maksimalkvoten for fartøy som deltar i brislingfisket i EU-sona er på 600 tonn. Sidan kvantumet i Nordsjøen er vesentleg redusert i høve til inneverande år, vil ikkje alle fartøy som ønskjer det kunne delta. Fiskeridirektoratet vil avgjere kven som får delta etter kunngjering, påmelding og loddtrekking.
Det er forbode å fiske brisling i EU-sona mellom 1. april og 30. september 2000, og det er forbode å fiske brisling i norsk økonomisk sone i Nordsjøen så lenge fisket i EU-sona pågår.
Heile den norske brislingkvoten i Skagerrak i 2000 er avsett til notfartøy under 27,5 meter som har deltatt i brislingfisket tidlegare.
Kontaktperson: Ekspedisjonssjef Johán H. Williams 22 24 64 40 m. 90 02 44 46
Lagt inn 27. desember 1999 av Statens forvaltningsteneste, ODIN-redaksjonen