Pressemelding

Nr.: 81/99
Dato: 17. des. 1999

Regulering av kolmulefisket i 2000

Fiskeridepartementet har fastsett regulering av kolmulefisket i 2000. Norske fartøy kan fiske 222.000 tonn kolmule i EU-sona, 42.000 tonn i færøysk sone og 250.000 tonn i internasjonale farvatn, i norsk økonomisk sone og i fiskerisona ved Jan Mayen. Av den sistnemnde kvoten skal 30.000 tonn reserverast for fiske i norsk økonomisk sone nord for 62. graden og ved Jan Mayen i andre halvår 2000.

Fiskeridirektøren fastset like maksimalkvotar for fartøya som deltek i kolmulefisket. Fartøy som vil delta må melde seg på til Norges Sildesalgslag innan 3. januar 2000.

Kontaktperson
Ekspedisjonssjef Johán H. Williams, 22 24 64 40/90 02 44 46