Pressemelding

Nr. 79 /99
Dato 15. des. 1999

Regulering av seifisket i sør i 2000

Fiskeridepartementet har fastsett regulering av seifisket sør for 62. graden for 2000. Norsk kvote er 44.200 tonn. Etter avsetting på 4.200 tonn til tredjeland, kan norske fiskarar fange 40.000 tonn. Seibestanden er utanfor sikre biologiske grenser, og kvoten som tilfell norske fiskarar er 12.200 tonn lågare enn i 1999.

Gruppekvoten for notfartøy er fast på 7.000 tonn og konvensjonelle fartøy har ein fast kvote på 9.000 tonn. Resten av den norske seikvoten blir tildelt trålarane. Kvart fartøy som fiskar med konvensjonelle reiskap (line, garn etc) kan maksimalt ta 500 tonn. Trålarane sin maksimalkvote er 600 tonn.

Trålfisket vert stogga frå og med måndag 3. juli til og med søndag 13. august. 65 prosent av gruppekvoten kan fiskast før sommarstoggen og 35 prosent etterpå. Fiskeridirektøren kan stogge fisket for konvensjonelle fartøy over 28 meter når det står att 1.400 tonn av gruppekvoten.

Kontaktperson
Ekspedisjonssjef Johán H. Williams 22 24 64 40 m. 90 02 44 46