Fullmakt for opptak av statslån i år 2000
Historisk arkiv
Publisert under: Regjeringen Bondevik I
Utgiver: Finansdepartementet
Pressemelding | Dato: 19.11.1999 | Sist oppdatert: 21.10.2006
Pressemelding
Nr. 90/1999
Dato: 19. november 1999
Fullmakt for opptak av statslån i år 2000
Finansdepartementet legg i dag fram proposisjon om fullmakt til å ta opp innanlandske og utanlandske statslån i år 2000.
Statens brutto finansieringsbehov i 2000 er 10 mrd. kroner og har samanheng med avdragsbetalingar på statsgjelda og netto utlån til statsbankane mv. Statens opplåning må også sjåast i samanheng med den pengepolitiske styringa og det behovet som er for å trekkje inn overskotslikviditet i marknaden. Finansieringsbehovet vil etter planen bli dekt ved opptak av nye lån innanlands.
Erfaringa har vist at det er ønskjeleg å ha fleksibilitet til å tilpasse statens låneprogram til skiftande forhold gjennom året. Finansdepartementet har derfor bedt om fullmakter til opptak av lån som samla sett overstig statens finansieringsbehov. Fullmakta for opptak av nye langsiktige innanlandske lån er foreslått sett til 40 mrd. kroner og for nye lån i utanlandsk valuta tilsvarande 20 mrd. kroner. Fullmakta for maksimalt uteståande i kortsiktige marknadspapir (statssertifikat mv.) og andre kortsiktige lån er foreslått sett til høvesvis 100 mrd. kroner og 90 mrd. kroner.
I desember vil Finansdepartementet og Noregs Bank offentleggjere ein auksjonskalender for salet av statsobligasjonar og statssertifikat i første halvår 2000.
Proposisjonen er tilgjengeleg på Finansdepartementets heimeside: http://www.finans.dep.no/6/nye_publ/st_prop/Stprpnr19-1999/index.html
Kontaktperson: Jan-Erik Støstad, telefon 22 24 45 04, mobil 900 51 251
Lagt inn 22. november 1999 av Statens forvaltningsteneste, ODIN-redaksjonen