Pressemelding

Nr.: 2/2000
Dato: 11.1.2000
Til redaksjonen

Delegasjon frå Aserbajdsjan til finansministeren 13. januar

Ein større delegasjon frå Aserbajdsjan med mellom anna økonomiministeren, finansministeren og sentralbanksjefen vil vitje Finansdepartementet om formiddagen torsdag 13. januar. Dei vil møte Noregs Bank seinare same dagen.

Bakgrunnen for vitjinga i Noreg er at Aserbajdsjan nyleg har oppretta eit oljefond, og at ein ynskjer å lære av erfaringane frå Noreg.

Under si vitjing i Noreg har delegasjonen og hatt møte med finanskomitéen og miljø- og energikomitéen på Stortinget, Utanriksdepartementet og Olje- og energidepartementet. Utanriksdepartementet er vertskap for delegasjonen.

Finansdepartementet har sett av tid for eventuelt møte med pressa kl. 12.00 – kl. 12.30 torsdag 13. januar. Redaksjonar som ynskjer å intervjue delegasjonen etter møtet i Finansdepartementet må ta kontakt med
Informasjonskontoret innan i morgon,
onsdag kl. 14.00. Eventuelle intervju vil foregå på norsk/russisk med tolk.

Kontaktperson:
Anne-Sissel Skånvik, telefon 22 24 41 09/mobil 913 22 811