Gramstad leiar for eigarskapstilsynet
Historisk arkiv
Publisert under: Regjeringen Bondevik I
Utgiver: Kulturdepartementet
Pressemelding | Dato: 27.01.1998 | Sist oppdatert: 21.10.2006
Pressemelding
Nr. 03/98
15.01.1998
Gramstad leiar for eigarskapstilsynet
Ekspedisjonssjef Sigve Gramstad (49) er utnemnd til direktør for det nye Eigarskapstilsynet som skal ha tilsyn med erverv i dagspresse og kringkasting. Gramstad har vore ekspedisjonssjef i kulturavdelinga i Kulturdepartementet sidan hausten 1992. Han var kultursjef i Bergen kommune 1991 - 1992.
Sigve Gramstad er utdanna jurist ved Universitetet i Bergen. Han vart første gongen tilsett i Kulturdepartementet i 1977 og har arbeidd på eit vidt felt med både kultur- og mediesaker. Han har hatt hovudansvar for fleire lovgivingsprosjekt. I Europarådet var han leiar for ekspertgruppa som utarbeidde den europeiske konvensjonen om vern av minoritetsspråk.
Det nye forvaltningsorganet Eigarskapstilsynet skal gjere vedtak om inngrep mot erverv av eigardelar i dagspresse- og kringkastingsforetak dersom dei fører til uønskt eigarkonsentrasjon i norske media. Tilsynet skal i slike saker ha ei uavhengig rolle i høve til Kulturdepartementet. Eigarskapstilsynet vil bli etablert i løpet av første halvår 1998.
Avdelingsdirektør Roy Kristiansen, tlf. 22 24 80 04
Lagt inn 27. januar 1998 av Statens forvaltningstjeneste, ODIN-redaksjonen