Pressemelding

Nr. 101/98
05.10.98

Hovudtrekka i filmpolitikken blir førte vidare

Regjeringa gjer framlegg om ei løyving på 26 mill kroner i 1999 til å sluttføre utbetrings- og oppgraderingsarbeidet ved anlegga til Norsk Film AS på Jar. Dette inneber at miljøet for filmproduksjon i Noreg blir monaleg betre.

Alle løyvingane til filmproduksjon blir etter framlegget samla på ein post i statsbudsjettet. Ei samla løyving på 112,3 mill kroner blir foreslått til desse formåla. Det er ein reduksjon på om lag 1 mill kroner samanlikna med statsbudsjettet for 1998.

Det blir gjort framlegg om ei løyving på 48,7 mill kroner til Audiovisuelt produksjonsfond i 1999. Fondet blir nytta til samproduksjonar mellom film- og fjernsynsmiljøa og til nærkringkastingsformål. Framlegget til løyving i 1999 er ein reduksjon på 1,5 mill kroner i høve til 1998.

Kontaktperson:

Avdelingsdirektør Roy Kristiansen, Medieavdelinga, tlf. 22 24 80 04