Pressemelding

23/98
20.03.1998

Myhren ekspedisjonssjef i Kulturdepartementet

Kjell Myhren (49) er tilsett som ekspedisjonssjef og leiar for Kulturavdelinga i Kulturdepartementet. Han er no ekspedisjonssjef i Kyrkje-, utdannings- og forskingsdepartementet.

Kjell Myhren har arbeidd i Statens rasjonaliseringsdirektorat (seinare Statskonsult) frå 1975 til 1978, då han vart tilsett i Finansavdelinga i Finansdepartementet, der han var avdelingsdirektør 1986-91 med ansvar m.a. for Kultur- og vitskapsdepartementets budsjett. I 1991 var han revisjonsdirektør i Justisdepartementet, før han gjekk over til stillinga som administrasjonsdirektør i Oslo kommune. 1992-93 var han rådgivar og seinare revisjonsdirektør i Kyrkje-, utdannings- og forskingsdepartementet, der han frå 1993 har vore ekspedisjonssjef i Aministrasjonsavdelinga.

Han har vore med i ei rekkje styre og utval, og er no nestleiar i styret for Den Norske Opera og representant for Sosial- og helsedepartementet i styret for Stiftelsen Norsk Luftambulanse. 1995-96 var han medlem av inntektssystemutvalet for kommunesektoren (Rattsø-utvalet).

Kjell Myhren er cand. polit. frå Universitetet i Oslo i 1975, med statsvitskap hovudfag, offentleg rett mellomfag og historie grunnfag.

Departementsråd Per Haga, tlf. 22 24 78 08