Pressemelding

19/98
06.03.1998

Ny avtale om visningsvederlag for kunst

Kulturdepartementet har på vegner av staten inngått ein avtale med fire kunstnarorganisasjonar om visingsvederlag for perioden 1998 -2001. Vederlaget for 1998 utgjer 17 mill. kroner, som skal betalast for offentleg vising av biletkunst, fotografisk kunst og kunsthandverk.Avtalen gjeld kunstverk som offentlege institusjonar har kjøpt med sikte på vising.Visingsvederlaget blir utbetalt til godkjende fond.

Avtalen er inngått med organisasjonane Norske Billedkunstnere, Norske Kunsthåndverkere, Forbundet Frie Fotografer og Samiske Kunstneres Forbund. Partane er også blitt samde om å nedsetje eit berekningsutval som skal skaffe fram statistikk over kunstverk som blir omfatta av avtalen.

Ekspedisjonssjef Sigve Gramstad, tlf. 22 24 80 00