Pressemelding

Nr.11/98
Dato 05.02.1998

Ny leiar for Utsmykkingsfondet

Stig Andersen (51) er tilsett som direktør i Utsmykkingsfondet for offentlege bygg. Han arbeider i NRK Fjernsynet, med kulturprogram som spesialfelt. Han har vore tilsett i NRK sidan 1979, i 1995-96 som prosjektredaktør i NRK2. Han var leiar for Norsk Billedhoggerforenings Skulpturkontor frå 1974 til 1977.

Stig Andersen har utdanning som cand.mag. frå Universitetet i Oslo med kunsthistorie mellomfag, etnografi mellomfag og teori og historie ved Arkitekthøgskolen i Oslo (grunnfag).

Ordninga for utsmykking av offentlege bygg er endra frå årsskiftet. Inntil 1,5 prosent av byggjekostnadane skal gå til utsmykking avhengig av kva for bygg som skal oppførast. Midlar sette av til utsmykking skal Utsmykkingsfondet disponera. Fondet skal ha ansvaret for at utsmykkinga blir brukarvenleg og har høg kvalitet.

Avdelingsdirektør Stein Sægrov, tlf. 22 24 80 26