Pressemelding

Nr. 33/98
Dato: 23. april 1998

Speleoverskot til idrettsformål

Fordelinga av den tredelen av 1997- overskotet i Norsk Tipping A/S som går til idrettsformål, vart fastsett i statsråd torsdag. Beløpet på 622,575 mill. kroner er 8,65 mill. kroner mindre enn året før .

311,046 mill. kroner av midlane går til idrettsanlegg. Av desse går mesteparten, 302,546 mill. kroner, til idrettsanlegg i kommunane og 8,5 mill. kroner til anlegg for friluftsliv i fjellet. 23,5 mill. kroner går til framtidige nasjonalanlegg, 7,95 mill. kroner til spesielle anlegg, og 2,05 mill. kroner til oppfølging av prøveprosjekt.

Til informasjon og utviklingsarbeid er det sett av 9,616 mill. kroner. Av dette går 2,251 mill. kroner til teknisk arbeid, grupper med spesielle behov får 3 mill. kroner, mens 0,6 mill. kroner skal gå til vidareutvikling av eit idrettsanleggsregister og 1,8 mill. kroner til forsking og utviklingsarbeid i regi av Kulturdepartementet. I tillegg går mellom anna 6 mill. kroner til idrettsforsking i regi av Noregs forskingsråd, 2,535 mill. kroner til Hormonlaboratoriet ved Aker sykehus, 1,58 mill. kroner til Friluftslivets fellesorganisasjon, vel 7 mill. kroner til tiltak i dei større byane og 2 mill. kroner til vidareutvikling av fylkeskommunal idrettspolitikk.

Norges Idrettsforbund og Olympiske Komité har fått overført til saman 246,835 mill. kroner. Av dette beløpet utgjer rammetilskotet 208,835 mill. kroner, og 12,25 mill. kroner er sette av til OL-deltaking. 25,75 mill. kroner er øyremerkte midlar. Av dette går 7 mill. kroner til anti-doping arbeid, 7 mill. kroner til barn og unge, 4,5 mill. kroner til kvinner, 1,05 mill. kroner til eldre, 4,7 mill. kroner til idrettsutøvarar med funksjonshemming, og 2,5 mill. kroner til FoU-arbeid.

Kontaktperson: Ekspedisjonssjef Hans B. Skaset, tlf. 22248050