Forbod mot politisk reklame i fjernsyn trer i kraft
Historisk arkiv
Publisert under: Regjeringen Bondevik I
Utgiver: Kulturdepartementet
Pressemelding | Dato: 25.06.1999 | Sist oppdatert: 21.10.2006
Pressemelding
Nr.: 36/99
Dato: 25.06.99
Forbod mot politisk reklame i fjernsyn trer i kraft
Lovforbodet mot reklame for livssyn og politiske bodskap i fjernsyn trer i kraft 1. juli. Samstundes blir slik reklame tillaten i radio.
Tidlegare har forbodet gått fram av forskrift til kringkastingslova. Stortingsfleirtalet slutta seg 15. juni til framlegget om lovfesting frå regjeringa av forbodet. Det blir lagt vekt på at slik reklame vil kunne gje eit skeivt bilete av kompliserte saker, og at den politiske debatten ikkje vil bli tilført noko vesentleg. Dessutan kan slik reklame i fjernsyn gje ressurssterke grupper fleire høve enn andre til å marknadsføre synspunkta sine.
Eit viktig omsyn bak forbodet er også den særlege påverknadskrafta fjernsynet har. Ein må derfor sikre at det ikkje blir skapt eit forteikna bilete av den politiske og religiøse røyndomen gjennom reklame i fjernsyn.
Kontaktperson:
Ekspedisjonssjef Helge Sønneland, Medieavdelinga, tlf. 22 24
80 02