Pressemelding

06/99
22.01.99

Løyvinga til Norsk kulturfond fordelt

Fordelinga av løyvinga til Norsk kulturfond for 1999 på 179,551 mill kroner vart vedteken i statsråd fredag.

Den største avsetninga på 67,5 mill kroner er til litteratur, i hovudsak til innkjøpsordninga for litteratur.

Musikkavsetninga er heva med 2,3 mill kroner til 11,1 mill kroner, for å kunne auke støtta til musikkensemble på høgt kunstnarisk nivå.

Avsetninga til scenekunst er på 30,8 mill kroner. Av dette går 27,5 mill kroner til støtteordninga for fri scenekunst.

Avsetninga til kulturbygg er redusert med 2 mill kroner til 7,5 mill kroner i 1999, i tråd med at investeringsomfanget i nye bygg er dempa noko i statsbudsjettet for 1999.

Løyvinga til Norsk kulturfond er vidare fordelt slik: tidsskrift 2,4 mill kroner, biletkunst/kunsthandverk 9,3 mill kroner, kulturvern 12,8 mill kroner, barn og unge 7,6 mill kroner, arkitektur og omgjevnader 2,5 mill kroner, kultur, medium og ny teknologi 3 mill kroner, kultur og helse 5 mill kroner, kunst og det fleirkulturelle samfunnet 5 mill kroner, andre formål 12,8 mill kroner og utval og utgreiingar 2,2 mill kroner.

Kontaktperson: Ekspedisjonssjef Kjell Myhren, Kulturavdelinga, tlf. 22 24 80 00