Pressemelding

13.07.98

11 millionar kroner til tilrettelegging for næringsutvikling i Mehamn, Gamvik kommune i Finnmark

Kommunal- og regionaldepartementet gir eit tilskot på inntil 11 millionar kroner til tilrettelegging for næringsverksemd i Mehamn i Gamvik kommune. Prosjektet, som er totalt kostnadsrekna til omlag 28 millionar kroner, vil legge tilrette eit område på omlag 35 dekar med kaianlegg, vass- og avløpsanlegg.

Gamvik kommune har gjennom dette prosjektet tatt initiativ til kommunal tilrettelegging av infrastruktur gjennom landareal, kaianlegg og kommunalteknisk hovudanlegg. Dette er viktig for kommunen sitt arbeid for det lokale næringsliv, og den utviklinga som har starta blant anna gjennom etableringa til selskapet Jørgensen Holding A/S.

Oslo, 13. juli 1998