Pressemelding

03.04.98

17 millioner til Fylkeskommunane si satsing på utkantkommunar

Kommunal- og regionaldepartementet har i dag fordelt 17 millionar kroner til fylkeskommunane si utkantsatsing. - Eg håper midlane skal hjelpe fylkeskommunar og kommunar til å svare på dei utfordringar og problem som sterk nedgang i folketalet medfører, seier kommunal- og regionalminister Ragnhild Queseth Haarstad.

Gjennom arbeidet med dei regionale utviklingsprogramma vart fylkeskommunane pålagt å utarbeide utkantstrategiar i eige fylke. Fordelinga av midlane er no fastsett ut frå den satsinga mot utkantane som blir skildra i dei regionale utviklingsprogramma og kor store utkantproblem fylket har.

Midlane kan nyttast til konkrete utviklingsprosjekt eller sektorovergripande fellestiltak og skal komme i tillegg til andre verkemiddel som kan nyttast overfor kommunar med stor nedgang i folketalet, til dømes kommunale næringsfond og statlege sektormidlar.

Oversikt over tildeling utkantkommunar:

• Buskerud fylkeskommune 0,4 millionar kroner
• Oppland fylkeskommune 0,9 millionar kroner
• Hedmark fylkeskommune 1,3 millionar kroner
• Vest-Agder fylkeskommunen 0,4 millionar kroner
• Aust-Agder fylkeskommune 0,4 millionar kroner
• Telemark fylkeskommune 0,8 millionar kroner
• Rogaland fylkeskommune 0,4 millionar kroner
• Hordaland fylkeskommune 0,4 millionar kroner
• Sogn og Fjordane fylkeskommune 0,9 millionar kroner
• Møre og Romsdal fylkeskommune 0,9 millionar kroner
• Sør-Trøndelag fylkeskommune 1,4 millionar kroner
• Nord-Trøndelag fylkeskommune kr. 1,5 millionar kroner
• Nordland fylkeskommune 3,1 millionar kroner
• Troms fylkeskommune 2,6 millionar kroner
• Finnmark fylkeskommune 1,6 millionar kroner.