Pressemelding

5.april 1998

5 millionar kroner til vassverk i Nord Aurdal

Kommunal- og regionaldepartementet gir eit tilskot på inntil 5 millionar kroner til Nord-Aurdal kommune til naudsynte utbetringstiltak av vassforsyninga til Fagernes og Leira. Nye Fagernes-Leira vassverk forsyner omlag 1530 abonnentar i tillegg til ulike typar servicefunksjonar, reiselivsbedrifter og anna næringsverksemd. Kostnadene i samband med dei naudsynte utbetringstiltaka er rekna til omlag 16,1 millionar kroner.

Støtteordninga Program for vassforsyning er eit 5 årig program. Det gir økonomisk stønad der naudsynte utbetringstiltak blir urimeleg dyre for abonnentane.