6,9 millionar kroner til vassverk i Lom
Historisk arkiv
Publisert under: Regjeringen Bondevik I
Utgiver: Kommunal- og regionaldepartementet
Pressemelding | Dato: 29.05.1998 | Sist oppdatert: 21.10.2006
Pressemelding
29. mai 1998
6,9 millionar kroner til vassverk i Lom
Kommunal- og regionaldepartementet gir eit tilskot på inntil 6,9 millionar kroner til Lom kommune til naudsynte arbeider i samband med å knytte Øvergrend-området til Lom vassverk. Lom vassverk vil ferdig utbygd forsyne omlag 730 bustader i tillegg til ulike typar servicefunksjonar, reiselivsverksemd og anna næringsverksemd.
Kommunen sin utbyggingsplan når det gjeld vassforsyninga går fram til år 2000, og er totalt kostnadsrekna til omlag 22,3 millionar kroner. Tilskotet gjeld første del av utbygginga og er kostnadsrekna til omlag 16,4 millionar kroner. Med denne utbygginga vil omlag 200 personar i Øvergrend få tilfredsstillande vassforsyning.
Støtteordninga Program for vassforsyning er eit 5-årig program. Det gir økonomisk stønad der naudsynte utbetringstiltak blir urimeleg dyre for abonnentane.
Lagt inn 29. mai 1998 av Statens forvaltningstjeneste, ODIN-redaksjonen