8 millionar kroner til bygging av djupvasskai i Flåm, Aurland kommune
Historisk arkiv
Publisert under: Regjeringen Bondevik I
Utgiver: Kommunal- og regionaldepartementet
Pressemelding | Dato: 23.06.1998 | Sist oppdatert: 21.10.2006
23. juni 1998
8 millionar kroner til bygging av djupvasskai i Flåm, Aurland kommune
Kommunal- og regionaldepartementet gir eit tilskot på inntil 8 millionar kroner til bygging av djupvasskai i Flåm. Utbyggingsprosjektet er kostnadsrekna til 23,7 millionar kroner og vil vere eit særs viktig tiltak for å kunne gje service til den store cruisetrafikken som vitjar Flåm.
Departementet har ved behandlinga lagt vekt på kva kaianlegget har å seia for reiselivsnæringa på Vestlandet. Cruiseskipstrafikken til Aurland gjer grunnlag for drift av Flåmsbana og vil ha mykje å seie for reiselivsnæringa i heile området frå Balestrand/Fjærland til Luster og Årdal, og for trafikken til Bergen, Voss, Hardanger og øvre del av Hallingdal/Valdres. Kaianlegget vil og kunne nyttast til andre trafikkformål.
Lagt inn 23. juni 1998 av Statens forvaltningstjeneste, ODIN-redaksjonen