1,5 millionar kroner til pilotprosjektet Haasum i Fyresdal
Historisk arkiv
Publisert under: Regjeringen Bondevik I
Utgiver: Kommunal- og regionaldepartementet
Pressemelding | Dato: 07.09.1999 | Sist oppdatert: 21.10.2006
Pressemelding
Nr.: 111/1999
Dato: 07.09.1999
1,5 millionar kroner til pilotprosjektet Haasum i Fyresdal
Kommunal- og regionaldepartementet har gitt 1,5 millionar kroner til Fyresdal kommune for å leggje til rette for busetjing i Haasum-området.
I samband med satsinga for kommunar med nedgang i folketalet, ønskjer regjeringa å få prøvd ut tiltak som gjer det attraktivt for ungdom å busetje seg i distrikta. Å leggje til rette attraktive område for busetjing er eit av elementa i satsinga. Det er lagt vekt på å ta omsyn til miljø- og trivselsverdiar ved planlegging og tilrettelegging.
Pilotprosjektet i Fyresdal er eit samarbeidsprosjekt mellom kommunen, Landbruksdepartementet/Statens Landbruksbank og Kommunal- og regionaldepartementet. - Erfaringane vil ha stor overføringsverdi når det gjeld miljø- og trivselsverdiar til andre distriktskommunar som slit med nedgang i folketalet, seier statssekretær Olav Ulleren i Kommunal- og regionaldepartementet.
Lagt inn 7. september 1999 av Statens forvaltningstjeneste, ODIN-redaksjonen