Pressemelding

Nr. 34/1999
Dato 12.04.1999

2,2 millionar kroner til Gloppen kommune i samband med tilrettelegging av industriområde

Kommunal- og regionaldepartementet har gitt tilsegn om tilskot på inntil 2,2 millionar kroner i samband med tilrettelegging av industriområdet Katahamrane i Gloppen kommune.

Katahamrane industriområdet er på om lag 35 da, og vil bli tilrettelagt med veg, vatn, avløp og kaianlegg.

Eit godt tilrettelagt sjøverts transporttilbod er generelt ein styrke for eit robust bu- og næringsgrunnlag i distrikta. Sjøverts transport av varer knyter eit regionalt næringsliv sterkare mot marknader i og utanfor Noregs grenser.