2,5 millionar kroner til opprusting/utvikling av kommunesentret Norheimsund i Kvam herad.
Historisk arkiv
Publisert under: Regjeringen Bondevik I
Utgiver: Kommunal- og regionaldepartementet
Pressemelding | Dato: 21.07.1999 | Sist oppdatert: 21.10.2006
Pressemelding
Nr.: 96/1999
Dato: 21.07.1999
2,5 millionar kroner til opprusting/utvikling av kommunesentret Norheimsund i Kvam herad.
Kommunal- og regionaldepartementet har gitt tilsegn om tilskot på inntil 2,5 millionar kroner til Kvam herad i samband med 2. byggjesteg av opprusting- og utviklingsarbeider i kommunesenteret Norheimsund.
Prosjektet skal gjennomførast i nært samarbeid med Vegvesenet og er totalt kostnadsrekna til om lag 14.6 millionar kroner. Byggjesteg 2 omfattar utbetring av sjølve ”Handlegata” gjennom Norheimsund, med tilliggjande torg, kollektivterminal og kommunesenteret sitt utsjåande mot sjøen.
Kvam herad har som mål med prosjektet å
- Stimulera handel og næringsliv i regionen
- Ta vare på og utvikla samarbeidsformer mellom aktører på lokalt og regionalt nivå
- Tettstaden Norheimsund være eit eksempel på stadsutforming som kan overførast til andre kommuner.
Gode og levande tettstader er viktige i trivselssamanheng, fyrst og fremst for innbyggjarane i kommunen. Som regionsenter og eit viktig trafikkalt knutepunkt mot Hardanger, vil og dei planlagte investeringane har stor tyding for reiselivsnæringa og anna lokal- og regional næringsverksemd.
Lagt inn 21. juli 1999 av Statens forvaltningstjeneste, ODIN-redaksjonen