Pressemelding

Nr.: 73/1999
Dato: 05.07.1999

3,5 mill kroner til opprusting av kommunesenteret Vågåmo i Vågå kommune

Kommunal- og regionaldepartementet har gitt tilsegn om tilskot på inntil 3,5 millionar kroner til Vågå kommune i samband med 1. byggjesteg av opprusting i kommunesenteret Vågåmo.

- Dette går inn i ein større strategi som skal gi ungdom betre moglegheiter i Distrikts- Noreg, seier politisk rådgjevar Inge Bartnes.

Prosjektet som totalt er kostnadsrekna til om lag 14.3 millionar kroner, vil mellom anna omfatte tiltak som vil rydde Vågåmo sentrum i høve til parkering, grøne møteplassar og andre trivselstiltak.

Gode og levande tettstader er viktige i trivselssamanheng, fyrst og fremst for innbyggjarane i kommunen. Prosjektet vil og vere viktig i forhold til reiselivsnæringa og anna næringsverksemd.