Pressemelding

Dato 12.01.99

4,8 millionar kroner til tredje byggjetrinn av utbetringstiltak ved vassforsyninga på Hitra

Kommunal- og regionaldepartementet gir Hitra kommune tilsegn om tilskot på inntil 4,8 millionar kroner i samband med utbygging av ny vasskjelde og vassbehandlingsanlegg. Kostnadene på arbeidet ved tredje byggjetrinn er oppgitt til om lag 9,6 millionar kroner.

Støtteordninga "Program for vassforsyning" yter økonomisk hjelp til tiltak for at vassforsyninga skal tilfredsstille drikkevassforskrifta. Berre prosjekt som fører til store meirkostnader for den enkelte abonnenten kan få støtte.

Ved denne utbyggingsetappen vil ytterlegare om lag 540 personar få vassforsyning med tilfredsstillande kvalitet. I tillegg vil dette byggjetrinnet gi tilfredsstillande vasskvalitet til fleire fiskeribedrifter.

Kontaktperson:

Informasjonsenheten, forværelse. Tlf.: (+47) 22 24 68 21
Informasjonssjef Erling Hansen. Tlf. priv.: (+47) 66 91 26 79
Informasjonsrådgiver Eva Kvandal. Tlf. priv.: (+47) 22 38 26 38