4 millionar kroner til Tromsø kommune i samband med tilrettelegging for næringsverksemd i Kvaløyvågen
Historisk arkiv
Publisert under: Regjeringen Bondevik I
Utgiver: Kommunal- og regionaldepartementet
Pressemelding | Dato: 22.12.1999 | Sist oppdatert: 21.10.2006
Pressemelding
Nr.:155/1999
Dato: 22.12.1999
4 millionar kroner til Tromsø kommune i samband med tilrettelegging for næringsverksemd i Kvaløyvågen
Kommunal- og regionaldepartementet har gitt tilsegn om tilskot på inntil 4 millionar kroner til Tromsø kommune i samband med tilrettelegging av næringsområde med kaianlegg i Kvaløyvågen.
Prosjektet er totalt kostnadsrekna til om lag 10,5 millionar kroner.
Kaianlegget som blir tilrettelagt vil vere viktig for det lokale næringslivet i Kvaløyvågen. Utvikling av betre infrastruktur i distrikta vil òg vere viktig for å avlaste sentrumsmiljøet som i Tromsø er under eit sterkt press, spesielt i samband med fiskerinæringa.
- Det er positivt at Tromsø kommune tar eit medansvar for den framtidige næringsutviklinga i Kvaløyvågen gjennom utbygging av naudsynt fysisk infrastruktur. Investeringane i Kvaløyvågen vil danne grunnlaget for framtidig næringsverksemd i området, og gjennom dette også grunnlaget for den framtidige busetjinga, seier statssekretær Olav Ulleren.
Lagt inn 22. desember 1999 av Statens forvaltningsteneste, ODIN-redaksjonen