Pressemelding

Nr.: 78/1999
Dato: 14.07.1999

5 millionar kroner til Lenvik kommune i samband med tilrettelegging for næringsutvikling i Fjordgård

Kommunal- og regionaldepartementet har gitt tilsegn om tilskot på inntil 5 millionar kroner til Lenvik kommune i samband med tilrettelegging av næringsområde med kaianlegg og annen kommunal infrastruktur.

Prosjektet er totalt kostnadsrekna til om lag 15 millionar kroner med eit tilskotsgrunnlag på 12,2 millionar kroner. Kaianlegget vil vere viktig for det lokale næringslivet i Fjordgård.

- Det er positivt at Lenvik kommune, gjennom dette prosjektet, tar ansvar for tilrettelegging for næringsutvikling i eit av sine utkantområde. Eit stabilt næringsliv er eit viktig element i målsettinga om ein robust og levedyktig utvikling av distrikta, seier politisk rådgjevar Inge Bartnes.