Pressemelding

Nr. 67/1999
Dato 16.06.1999

Ikkje noko avgjerd no i grensereguleringssaka mellom Sande og Vanylven

Kommunal- og regionaldepartementet har funne at det ikkje bør gjerast vedtak om å flytte Åram krins i Sande kommune over til Vanylven kommune før kommune- og fylkestingsvalet til hausten. Grensereguleringssaka vil av den grunn ikkje ha nokon innverknad på komande val.

Stortinget påla departementet ved handsaminga av St prp nr 44 å gå nye rundar med kommunane Sande og Vanylven, for særleg å utgreie dei nærare konsekvensane for øyene Kvamsøy og Sandsøy ved ein overflytting av Åram. Det er ikkje mogeleg å oppfylle Stortinget sine føresetnader om vidare utgreiing og samstundes sikre ei forsvarleg førebuing av valet. Departementet vil seinare diskutere opplegget for den vidare utgreiing med kommunene, fylkeskommunen og fylkesmannen.