Pressemelding

Nr.53/1999
Dato 10.05.1999

Kommuneøkonomiproposisjonen 2000 nr 6

Konsultasjonsordning mellom staten og Kommunenes Sentralforbund om statsbudsjettet

Regjeringa vil vurdere å utvide dagens samarbeid med KS i retning av ei konsultasjonsordning. Vurderinga blir gjort i samarbeid med Kommunenes Sentralforbund (KS).

KS har teke opp spørsmålet med Kommunal- og regionaldepartementet om å utvide ordninga med drøftingsmøte. KS ønskjer å utvikle dagens modell slik at staten og kommunesektoren skal bli samde om ein del punkt på førehand. Det gjeld kva nivå det skal vere på den kommunale tenesteytinga og kva nye tiltak og reformer det er rom for innanfor ei gitt inntektsramme.

- Vi vil kome tilbake til dette i samband med kommuneøkonomiproposisjonen for 2001, som blir lagt fram våren 2000, seier Odd Roger Enoksen.