Pressemelding

Nr. 71/1999
Dato 1.7.1999

Regionale samordningsmidla til satsing på ungdom i Sogn og Fjordane

Kommunal- og regionaldepartementet løyver 4 millionar kroner til prosjektet "Ung i Sogn og Fjordane"

Dei regionale samordningsmidlane nyttast til større prosjekt eller program der fleire regionale aktørar går saman om å utvikle og gjennomføre prosjekter.

Sogn og Fjordane fylkeskommune har teke initiativ til den store ungdomssatsninga som nå finn stad i fylket. Dei samarbeidar mellom anna med Statens utdanningskontor, Fylkesmannen i Sogn og Fjordane, Fylkesarbeidskontoret, NHO, Sogn Regionråd og Fylkeslegen i Sogn og Fjordane.

Det overordna målet for ungdomsprogrammet i Sogn og Fjordane er å leggje til rette for auka livskvalitet og buglede i fylket og redusere langsiktig fråflytting. Ei hovudutfordring er å halde på ungdomane og å fremje tilbakeflytting til fylket etter utdanning.

Kommunal- og regionaldepartementet meiner at dette prosjektet vil ha stor overførings- og læringsverdi.