Pressemelding

Nr. 05/2000
Dato: 21. januar 2000

Konsultasjonsordning om kommuneøkonomien

Stat og kommunar møtest før statsbudsjettet

Faste møte mellom staten og kommunane om statsbudsjettet vil føre til enklare og stabile rammevilkår for kommunane, seier kommunalminister Odd Roger Enoksen.

Kommunenes Sentralforbund får ha fire årlege drøftingsmøte med fleire departement om kommuneøkonomien i statsbudsjettet.

– Målet er å få ei felles forståing av kva kommunane kan få til innanfor sine rammer, seier kommunalministeren. Han trur faste møte og konsultasjonar, slik arbeidsgruppa har foreslått, vil gjere at kommunane i større grad veit kva dei har å halde seg til, og større grad av sjølvstyre. Det vil òg kunne føre til mindre statleg styring gjennom regelverk og øyremerkte midlar.