Rundskriv F-009-98
Historisk arkiv
Publisert under: Regjeringen Bondevik I
Utgiver: Kirke-, utdannings- og forskningsdepartementet
Oppretting av vedlegg i læreplan for norskfaget (22.01.98)
Rundskriv | Dato: 18.01.1998
Rundskriv F-009-98 |
Saksnr. 93/686 |
22.01.1998 |
Stikkord: Oppretting av vedlegg i læreplanane |
| Fylkeskommunane Rådet for fagopplæring i arbeidslivet Opplæringsråda Statens utdanningskontor Fylkeskommunale vidaregåande skolar Statlege vidaregåande skolar Private vidaregåande skolar Elevorganisasjonane Lærarorganisasjonane Næringslivets Hovedorganisasjon Landsorganisasjonen i Norge Kommunenes Sentralforbund Yrkesorganisasjonenes Sentralforbund Fylkesarbeidskontora AOF - Arbeidernes Opplysningsforbund i Norge Norsk Forbund for Fjernundervisning Voksenopplæringsforbundet Senter for etterutdanning Nasjonalt læremiddelsenter Den norske forleggerforening |
Oppretting av vedlegg i læreplan for norskfaget
Departementet har fastsett eksamensordning for elevar som avsluttar norsk etter vidaregåande kurs I med 337 timar (modul 1, 2 og 3), og har per 14.01.98 retta vedlegg i læreplanen frå oktober 1993. I tillegg er det gjort oppretting i kap. 3.4. (Spesielle forhold som gjeld vurdering i norsk)
Vi ber om at dei instansane som dette vedkjem, erstattar førstesida, kap. 3.4 og vedlegg 2 i den fastsette læreplanen med dei sidene som følgjer dette rundskrivet.
Med helsing
| Ole Briseid, e.f. ekspedisjonssjef |
Inger Iversen avdelingsdirektør |
Kopi:
Fylkeskommunane v/yrkesopplæringsnemnda
Fylkeskommunane v/utdanningsetaten
3.4 Spesielle forhold som gjeld vurdering i Norsk
Eksamensoppgåver til skriftleg eksamen skal i hovudsak vere knytte til mål og hovudemne for faget. Dersom eksamen i norsk består av to skriftlege eksamensdagar, skal den eine oppgåva skrivast på hovudmålet og den andre på sidemålet.
Standpunktkarakterane i norsk skriftleg (hovudmål og sidemål) skal setjast på grunnlag av eit breiare utval av oppgåvetypar og skrivesituasjonar enn eksamenskarakteren, og ikkje berre på grunnlag av oppgåvetypar som eleven kan få til eksamen. Eksamenskarakterane og standpunktkarakterane skal til saman dokumentere brei skriftleg kompetanse i norsk.
For vurdering av norsk skriftleg og oppgåvetypar til norskeksamen viser ein til Vurderingsrettleiingar i norsk, utgitt av Eksamenssekretariatet.
Vurdering av særemnet i norsk (vidaregåande kurs II) skal inngå som ein del av karakteren i norsk skriftleg dersom eleven leverer ei skriftleg oppgåve. Dersom særemnet blir munnleg presentert, inngår det som ein del av vurderinga i norsk munnleg.
I kvart av skoleåra skal elevane gjennomføre eitt eller fleire prosjektarbeid. I minst eitt av prosjektarbeida skal fleire fag, både felles allmenne fag og studieretningsfag, inngå.
Vi viser elles til vedlegg 2 - Vurderingsordningar.
Lagt inn 26. april 1999 av Statens forvaltningstjeneste, ODIN-redaksjonenVedlegg 2
Vurderingsordningar i norsk
Standpunktkarakterar
Elevane skal ha standpunktkarakterar etter kvart årssteg.
Resultat av prosjektarbeid skal inngå i standpunktkarakterane.
Dei elevane som tek 150-timarskurset i norsk med modul 1 på grunnkurset og modul 2 på vidaregåande kurs I, skal etter kvart årssteg ha to standpunktkarakterar, ein i skriftleg og ein i munnleg. Karakteren i norsk skriftleg byggjer på det elevane presterer i norsk hovudmål skriftleg.
Dei elevane som tek 150-timarskurset med modul 1 og 2 på grunnkurset, skal etter grunnkurset ha to standpunktkarakterar, ein i norsk skriftleg og ein i norsk munnleg. Karakteren i norsk skriftleg byggjer på det elevane presterer i norsk hovudmål skriftleg og norsk sidemål skriftleg. Prestasjonane i hovudmålet skal telje om lag to tredelar og i sidemålet om lag ein tredel av den samla karakteren i norsk skriftleg.
Etter modul 3 på vidaregåande kurs I og etter modul 4 på vidaregåande kurs II skal elevane ha standpunktkarakterar i tre disiplinar, ein i norsk hovudmål skriftleg, ein i norsk sidemål skriftleg og ein i norsk munnleg.
Eksamen
Dei elevane i yrkesfaglege studieretningar som tek 150-timarskurset i norsk (modul 1 og 2), kan kome opp til eksamen i norsk hovudmål skriftleg og norsk munnleg. Oppgåvene blir gitt lokalt etter sentrale retningslinjer.
Elevar som avsluttar norsk etter vidaregående kurs I med 337 timar (modul 1-3), kan kome opp til skriftleg eksamen i norsk hovudmål og sidemål eller til munnleg eksamen. Oppgåvene blir gitt lokalt etter sentrale retningslinjer.
Elevar som tek 524-timarskurset i norsk (modul 1-4), skal opp til eksamen i norsk hovudmål skriftleg og norsk sidemål skriftleg etter vidaregåande kurs II. Oppgåvene blir gitt sentralt. Elevane kan i tillegg kome opp til eksamen i norsk munnleg.
Privatistar
Det skal vere mogleg å ta privatisteksamen i faget etter nærmare retningslinjer gitt av departementet.
Lagt inn 26. april 1999 av Statens forvaltningstjeneste, ODIN-redaksjonen