Rundskriv F-028-99

Saksnr. 99/1179

10.03.1999

Fylkeskommunane Oslo kommune Alle vidaregåande skolar Statens utdanningskontor Elevorganisasjonane Lærarorganisasjonane Dei politiske partia sine ungdomsorganisasjonar

Prøveval ved vidaregåande skolar før kommunestyrevalet og fylkestingsvalet 1999

Statsminister Kjell Magne Bondevik svara 2. juni 1998 i Stortinget på interpellasjon om kva inititativ Regjeringa ville ta for å styrkje deltakinga frå barn og unge i det demokratiske systemet. Statsministeren viste til det som er gjort for å leggje til rette for at ungdom skal kunne ta del i og engasjere seg i det demokratiske systemet og i politikken, mellom anna med sikte på å utvikle dugleik og ansvar i samfunnet og innsyn i dei demokratiske verdiane.

Om prøvevala ved skolane sa statsministeren:

”Det sendes foran hvert valg ut informasjon til skolene om valget, og elevene oppfordres til å benytte seg av stemmeretten. Det arrangeres dessuten prøvevalg ved skolene for alle elever, også for 16- og 17-åringer. Oppleggene knyttet til prøvevalg har vært nyttet i en bredere sammenheng til å gi elevene innsikt i samfunnsspørsmål og for å engasjere til en aktiv og ansvarsbevisst holdning i politiske spørsmål. Erfaringene tyder på at prøvevalgene er med på å gi elevene innsikt i valghandlingen og valgets betydning. Det har motivert unge mennesker til å benytte sin stemmerett som førstegangsvelger. Men formene for disse aktiviteter kan mange steder videreutvikles og forbedres.

Samfunnsdebatten må avspeiles i skolens hverdag – i undervisningen. Regjeringen ser positivt på økt politisk debatt i videregående skole. Den politiske debatten må ikke innsnevres til en hektisk valgkamppresentasjon av hva de politiske partier står for. Det bør vurderes om partipolitiske debatter naturlig kan gis som tilbud til elever også i forbindelse med aktuelle tema i undervisningen eller aktuelle problemstillinger i nærmiljøet.

Også gjennom undervisningen i grunnskolen og videregående skole søker en aktivt å bidra til at de unge opparbeider kunnskaper, innsikt og engasjement som kan medvirke til å styrke deres politiske interesse og deltakelse i vårt demokratiske system. Den aller største utfordring ligger kanskje i å nå fram til og aktivisere den uorganiserte ungdom.”

Kyrkje-, utdannings- og forskingsdepartementet syner til dette og vil oppfordre fylkeskommunane til å medverke slik at det kan bli organisert prøveval ved dei vidaregåande skolane før valet til nye kommunestyre og fylkesting hausten 1999.

Departementet rår til at det er rektor som tek hovudansvaret for sjølve organiseringa og gjennomføringa av prøvevalet ved den enkelte skolen.

Det er mogleg og ønskjeleg å nytte tida før valet til å arbeide m.a. med problemstillingar knytte til val- og styringssystem både i allmenne og yrkesretta fag, inklusive drøfting av rekrutteringa til det lokale demokratiet og personleg deltaking i dette, jf at «Av og til kan konfrontasjonsmøte mellom dei politiske partia eller ungdomsorganisasjonane deira organiserast», slik det er sagt i Vegvisaren.

Departementet ser det som viktig at informasjon om praktiske og politiske sider ved valet når fram, særleg til dei elevane som er førstegongsveljarar. Skoleprøvevalet kan vere ein ekstra stimulans for førstegongsveljarar til å nytte røysteretten sin ved vala 13. september 1999.

Kyrkje-, utdannings- og forskingsdepartementet har samarbeidd med Norsk samfunnsvitenskapelig datatjeneste (NSD) om eit opplegg med sikte på rask publisering av resultata frå skoleprøvevala. Norsk samfunnsvitenskapelig datatjeneste har i brev av 4. februar 1999 sett opp slikt forslag til framdriftsplan:

”Brev med påmelding til videregående skoler blir sendt 6. april, med frist til påmelding innen 7. mai. Skoler som ikke har meldt seg på innen fristen, vil få tilsendt påminnelse. Påmeldte skoler får tilsendt fyldig informasjon om skolevalget.

Første uke i august sendes alt materiell for gjennomføring av valg og intervjuundersøkelse til skolene. Skolevalget gjennomføres onsdag 1. og torsdag 2. september, og resultatet blir lagt på Internett så snart skolevalget er avsluttet. Læremateriell fra skolvalget sendes deltakerskolene 9. september, slik at skolene vil ha dette i hende innen valgdagen 13. september.”

Skoleprøvevalet vil elles i hovudsak følgje opplegga frå tidlegare år.

Det er tidlegara i samråd med dei politiske ungdomsorganisasjonane utarbeidd «Kjørereglar» for korleis prøveval og debattar kan gjennomførast.

Alle parti som stiller til kommunestyre- og fylkestingsvalg 1999 i vedkommande fylke, må inviterast til å delta i prøvevala. Parti som har ein klart rasistisk bodskap, bør ikkje inviterast til debattmøta. Skolane kan i denne samanhengen i arbeidet med opplæring om deltaking i vårt demokratiske system, ha nytte av Regjeringa sin handlingsplan mot rasisme og diskriminering.

(Handlingsplanen ligg på Internett, sjå linkdoc016005-990055#dochttp://odin.dep.no/krd/publ/1998/handlingsplan.html)

Departementet vil oppmode fylkeskommunane/skolane til å leggje til rette slik at flest mogleg vidaregåande skolar tek del i prøvevalet.

Nokre av endringane som er gjort i den nye lova om grunnskolen og den vidaregåande opplæringa (opplæringslova), tek sikte på å styrkje elevdeltakinga i det demokratiske systemet. Departementet ber derfor spesielt om at elevråda får informasjon om og blir trekte inn i planlegginga av prøvevala.

·······

Som statsråd i Kyrkje-, utdannings- og forskingsdepartementet vonar eg at aktivitetar omkring skolevala kan utviklast vidare og forbetrast slik at resultatet ikkje blir at ”aksjonsdemokratiet vil bløma, medan det lokale demokratiet visnar vekk” slik nokre har sagt det.

Eg vil óg nytte høvet til å ønskje alle lykke til med prøvevala slik at dei kan stimulere skoleungdomen til å delta aktivt i vårt demokratiske system og gi dei innsyn i dei demokratiske prosessane i samfunnet.

Med helsing

Jon Lilletun

Vedlegg:
linkintvedlegg001"Kjørereglar" om skoleprøveval og debattar"
linkintvedlegg002"Kjøreregler" om skoleprøvevalg og debatter"

Lagt inn 14. april 1999 av Statens forvaltningstjeneste, ODIN-redaksjonen