Foreldrebetaling i grunnskolen
Historisk arkiv
Publisert under: Regjeringen Bondevik I
Utgiver: Kirke-, utdannings- og forskningsdepartementet
Pressemelding | Dato: 29.12.1997 | Sist oppdatert: 21.10.2006
Pressemelding
Nr. 114-97
29. desember
Foreldrebetaling i grunnskolen
Foreldre betalar til saman om lag 93 millionar kroner i eigabetaling i grunnskulen. Størstedelen av denne summen gjeld betaling for leirskoleopphald og ekskursjonar.
Dette kjem fram i ein ny rapport som er utarbeidd av Kyrkje-, utdannings- og forskingsdepartementet. Det var Stortinget som i vår bad om ein oversikt over foreldrebetaling i skolen, og framlegg til tiltak for å motverke dette. -Departementet vel å gjere offentleg heile rapporten for å setje søkjelyset på foreldrebetaling i skolen, seier statsråd Jon Lilletun. Dette er og ein lekk i departementets strategi for større openheit i forvaltninga.
Undersøkinga, som omfattar alle kommunale grunnskolar i landet, har tatt for seg foreldrebetaling når det gjeld lærebøker, skrive-, kladde- og teiknesaker, utstyr til sløyd, tekstil og heimkunnskap, IT-utstyr, ekskursjonar, leirskole og andre føremål.
Til saman betalar foreldra 93 millionar kroner i eigabetaling. 48 millionar kroner går til betaling for leirskoleopphald. Det er 83 prosent av kommunane og 65 prosent av alle skular som oppgir at dei tek eigabetaling for opphald på leirskular.
81 prosent av kommuane og 73 prosent av grunnskolane tek eigabetaling i samband med ekskursjonar. Den samla summen til eigabetaling på dette området er 31 millionar kroner.
Når det gjeld lærebøker er det 9 prosent av kommunane (2 prosent av skolane) som tek eigabetaling. Samla sum på dette området er 467 000 kroner, eller 61 kroner pr elev.
3 prosent av kommunane (1 prosent av skulane) tek eigabetaling når det gjeld IT-utstyr. Når det gjeld skrive-, kladde- og teiknesaker er det her 15 prosent av kommunane (4 prosent av skulane) som tek eigabetaling.
18 av kommunane (4 prosent av skolane) har oppgitt at dei nyttar eigabetaling for formingsmateriell.
-Prinsippet om gratis skole for alle står fast, seier kyrkje-, utdannings- og forskingsminister Jon Lilletun. -Oversikten i rapporten viser at dette ikkje alltid er tilfelle. Særleg er det grunn til å understreke at lærebøker, materiell for skriving, teikning og forming skal vere gratis. Det same gjeld IT-utstyr. Når det gjeld dekking av utgiftene til ekskursjonar og leirskule er dette eit felt som vi må sjå nærare på, seier Lilletun.
Rapporten er tilgjengeleg på internett med denne adressa: linkdoc014005-990634#dochttp://odin.dep.no/kuf/publ/egenbet.html
Informasjonskontoret, Boks 8119 Dep., 0032 Oslo,
telefax 22 24 95 44
Informasjonssjef Kathrine Kjelland, tlf 22 24 74 09, priv. 67
58 32 39, mobil 91398178
Informasjonskonsulent Jon Aarekol, tlf 22 24 74 17, priv 22
22 44 84