Pressemelding

Nr. 079/98
Dato: 13. august 1998

Knut Arild Hareide ny politisk rådgivar i KUF

Knut Arild Hareide er tilsett som ny politisk rådgivar i Kyrkje-, utdannings- og forskingsdepartementet. Han følgjer etter Helene Langeland.

Hareide (25) kjem frå Bømlo i Hordaland, men er no busett i Oslo. Han har tatt siviløkonomutdanning ved Noregs Handelshøgskole (NHH), og har sosiologi grunnfag ved Universitetet i Bergen. Det siste året har han arbeidd som trainee i Schibsted ASA.

Hareide har hatt ei rekkje verv innan studentpolitikk, m.a. som medlem av studentparlamentet ved Universitetet i Bergen, leiar av Noregs Handelshøgskoles Studentforening og medlem av arbeidsutvalet i NSU – Bergen. Han har og vore medlem av Bømlo kommunestyre for KrF og medlem av Bømlo kulturstyre.