Knutepunktfunksjon i maritim høgskoleutdanning fordelt mellom Vestfold og Ålesund
Historisk arkiv
Publisert under: Regjeringen Bondevik I
Utgiver: Kirke-, utdannings- og forskningsdepartementet
Pressemelding | Dato: 16.04.1998 | Sist oppdatert: 21.10.2006
Pressemelding
Nr. 31/98
Dato: 16. april 1998
Knutepunktfunksjon i maritim høgskoleutdanning fordelt mellom Vestfold og Ålesund
Kyrkje-, utdannings- og forskingsdepartementet har bestemt at knutepunktansvaret innanfor maritim utdanning skal fordelast mellom Høgskolen i Vestfold og Høgskolen i Ålesund. Fordelinga vil skje slik:
· Høgskolen i Vestfold skal ha knutepunktfunksjon i maritim drift og ha eit hovudansvar innanfor høgre maritim utdanning, forsking og utviklingsarbeid
· Høgskolen i Ålesund skal ha knutepunktfunksjon innanfor kystfart og offshore.
Høgskolen i Bergen, som har søkt om å etablere maritim høgskoleutdanning, har fått avslag på søknaden sin.
-Departementet har lagt vekt på at den maritime høgskoleutdanninga står sterkt ved Høgskolen i Vestfold, og det er denne høgskolen som er tyngst innan denne type utdanning, seier kyrkje-, utdannings- og forskingsminister Jon Lilletun. Institusjonen har sidan 1995 hatt eit særleg nasjonalt ansvar for maritim utdanning og institusjonen har satsa målmedvite på dette. Høgskolen har ei lang rekkje samarbeidspartnarar, både nasjonale og internasjonale, og har sett i gang forskingsaktivitet på området. Det er difor naturleg at denne høgskolen får eit hovudansvar for maritim utdanning, forsking og utvikling, seier Lilletun.
-Samstundes har nordvestlandet eit sterkt maritimt miljø og utgjer eit tyngdepunkt innan kystfart og offshoreverksemd. Den maritime høgskoleutdanninga i Ålesund er retta mot desse områda, og denne utdanninga er sentral for regionen. Høgskolen i Ålesund skal difor ha eit knutepunkt som tydeleggjer det maritime tyngdepunktet i denne regionen, seier Lilletun.
- I tråd med tilrådinga i utgreiinga “Norgesnett - teknisk sett” ønskjer ikkje departementet no å etablere maritim høgskoleutdanning i Bergen. Departementet deler Noregsnettutvalet si vurdering om at det no er naudsynt å prioritere tiltak for å betre søkinga til dei eksisterande studieplassane i maritim utdanning, avsluttar Lilletun.
Informasjonssjef Kathrine Kjelland, tlf 22 24 74 09, priv. 67 58 32 39 mobil 91398178Informasjonsrådgiver Jon Aarekol, tlf 22 24 74 17, priv 22 22 44 84 Lagt inn 17. april 1998 av Statens forvaltningstjeneste, ODIN-redaksjonen