Pressemelding

Nr. 092-98
17. september 1998

Om dataspel/video som seksualundervisning

Fleire medium har vore opptatt av dataspelet/videoen om seksualundervisning for gutar og jenter. Materiellet er utarbeidd av Statens helsetilsyn.

Statsråd Jon Lilletun uttalar:

”I samråd med helseministeren har eg bestemt å be om ei fagleg pedagogisk vurdering av dataspelet/videoen, og vil vente med å kommentere materiellet til vurderinga er gjort. Ei fagleg ekspertgruppe skal gje ei vurdering av materiellet i høve til bruk i ulike aldersgrupper og trongen for supplerande rettleiing. Helsetilsynet vil vente med vidare distribusjon til denne vurderinga ligg føre. Då vil også KUF kunne gi ei samla vurdering. ”

Departementet beklagar at ei feilsitering har gitt det inntrykket at KUF ikkje ville engasjere seg i vurderinga av dataspelet/videoen.