Regulering av opptak til universiteta
Historisk arkiv
Publisert under: Regjeringen Bondevik I
Utgiver: Kirke-, utdannings- og forskningsdepartementet
Pressemelding | Dato: 28.05.1998 | Sist oppdatert: 21.10.2006
Pressemelding
059-98
28. mai
Regulering av opptak til universiteta
Det vil vere ein opptakskapasitet på om lag 37 800 studieplassar innan høgre utdanning i 1998. Dette er ein auke på 1000 plassar i høve til 1997. Tala inkluderer 310 nye IT-studieplassar som er foreslått i revidert nasjonalbudsjett.
Dette går fram av ein stortingsproposisjon om regulering av opptaket til studium ved universiteta (St prp nr 71 (1997/98)) som passerte statsråd torsdag.
Då talet på søkjarar til høgre utdanning i 1998 er redusert i høve til 1997, vil dei fleste andre søkjarar kunne få tilbod om ein studieplass. Det blir likevel framleis regulering av inntaket til nokre sterkt etterspurde utdanningar.
Allmennfakulteta ved Universitetet i Oslo vil framleis vere lukka. Også allmennfakulteta ved Universitetet i Bergen vil vere lukka, men her reknar Kyrkje-, utdannings- og forskingsdepartementet med at opptakskapasiteten er sett så høgt at dei aller fleste søkjarar vil få tilbod om ein studieplass. Ved Norges teknisk-vitskaplige universitet (NTNU) og Universitetet i Tromsø vil desse fakulteta vere opne, men tilgangen til nokre sterkt etterspurde fag ved fakulteta vil framleis vere regulerte.
Lagt inn 28. mai 1998 av Statens forvaltningstjeneste, ODIN-redaksjonen