Pressemelding

Nr. 108/98
Dato: 30. oktober 1998

Statsråd Lilletun opnar grunnskoleveka

Kyrkje-, utdannings- og forskingsminister Jon Lilletun opnar Grunnskoleveka 1998 på Gran skole, Furuset i Oslo måndag 2. november kl. 10.00. Grunnskoleveka er lagt til veke 45, 2. – 8. november. Tema for grunnskoleveka i år er ”Du store verden”, der søkelyset blir retta mot kulturelt mangfald, menneskerettar og kommunikasjon på nettet.

Grunnskoleveka blir markert ved skolar over heile landet, der hovudformålet er samarbeid mellom heim og skole og opne skolen for lokalsamfunnet.

Foreldreutvalet for grunnskolen (FUG) står for planlegging og tilrettelegging i samarbeid med KUF og ei styringsgruppe der m.a. lærarorganisasjonane er med.

Foreldreprisen

Under opningsarrangementet på Gran skole vil også statsråd Lilletun dele ut foreldreprisen for 1998. Den blir tildelt ein person som har gjort ein særleg innsats i løpet av året for å fremje heim-skolesamarbeidet.