Pressemelding

Nr. 29/98
Dato: 16. april 1998

Tilskot til nye studentbustader

Kyrkje-, utdannings- og forskingsdepartementet har no fordelt om lag 80 millionar kroner til bygging av om lag 500 nye studentbustader for 1998. Grunnlag av eit tilskot pr. studentbustad på 160 000 kroner. Departementet kan godkjenne studentbustadprosjekt med ei kostnadsramme på inntil 350 000 kroner dersom særlege forhold tilseier dette.

I prioriteringa av søknadene har departementet lagt vekt på forholdet mellom studenttal og talet på studentbustader ved den einskilde lærestaden, utviklinga i talet på studentar, andel tilflytta studentar og situasjonen på den private bustadmarknaden.

Tildelinga av midlar til nye bustadprosjekt fordeler seg slik:

Studentsamskipnaden i Oslo: 199 einingar

Studentsamskipnaden i Telemark (Notodden) 50 einingar

Studentsamskipnaden i Nesna 50 einingar

Studentsamskipnaden i Tromsø (Svalbard) 48 einingar

Studentsamskipnaden i Vestfold 12 einingar

Studentsamskipnaden i Hedmark (Hamar) 33 einingar

Oslo og Akershus-høgskolenes Studentsamskipnad 95 einingar

-Tildelinga av midlar til nye studentbustader er eit viktig løft for å betre butilhøva for studentane på dei aktuelle stadene. Særleg er er eg nøgd med at vi har fått prioritert Oslo-regionen på ein så god måte i denne runden. Det er særleg i dette området vi dei seinare åra har hatt eit uvanleg stort press på bustadmarknaden, seier kyrkje-, utdannings- og forskingsminister Jon Lilletun i ein kommentar.

Informasjonssjef Kathrine Kjelland, tlf 22 24 74 09, priv. 67 58 32 39 mobil 91398178
Informasjonsrådgiver Jon Aarekol, tlf 22 24 74 17, priv 22 22 44 84 Lagt inn 17. april 1998 av Statens forvaltningstjeneste, ODIN-redaksjonen