Pressemelding

077-98
12. august

Universiteta får 45 mill kroner til utstyr, omstilling og nye stillingar

Kyrkje-, utdannings- og forskingsdepartementet har no fordelt 45 millionar kroner til dei fire universiteta. Løyvinga skal nyttast til vitskapleg utstyr og omstilling, doktorgradsstipendiat og post doc-stillingar (rekrutteringsstillingar). Til saman blir det løyvd 40 nye doktorgradsstipendiat og 20 post-doc- stillingar til universitet og vitskaplege høgskular.

I tillegg får dei statlege høgskulane tildelt 25 og dei private høgskolane 10 nye doktorgradsstipend.

Tidlegare i sommar fekk universiteta om lag 18 millionar kroner til nye studieplassar.

Universiteta har med dette fått til saman om lag 70 prosent av den totale løyvinga på 90 millionar kroner som vart løyvd i samband med revidert nasjonalbudsjett.

37 millionar kroner som går til vitskapleg utstyr og omstilling og fordeler seg slik:

Universitetet i Oslo; 7,5 millionar kroner
Universitetet i Bergen: 12 millionar kroner
NTNU: 7 millionar kroner
Universitetet i Tromsø: 11 millionar kroner