Pressemelding

Nr. 103/1999
Dato: 11. november 1999

Administrasjonen av Sokrates II og Leonardo da Vinci II

Kyrkje-, utdannings- og forskingsdepartementet har no bestemt kven som skal få tilbodet om den nasjonale administrasjonen av EU sine utdanningsprogram Leonardo da Vinci II og Sokrates II.

Departementet tek sikte på å innleie kontraktforhandlingar med Universitetsrådet/Senter for internasjonalt universitetssamarbeid når det gjeld administrasjonen av Sokrates II, og Teknologisk institutt/ Leonardo Norge når det gjeld administrasjonen av Leonardo da Vinci II. Dette er dei same institusjonane som administrerer dei gjeldande programma.

Sokrates II og Leonardo da Vinci II avløyser dei tilsvarande utdanningsprogramma som gjeld i dag, og vil bli sett i verk frå 1. januar 2000. Programma vil gå over 7 år. Programma omfattar m.a. utveksling og utplassering av elevar, lærlingar, studentar, undervisningspersonale og instruktørar. Andre viktige element er samarbeid mellom institusjonar og tverrnasjonale utviklingsprosjekt.

Det var til saman 9 ulike instansar som kom med tilbod om den nasjonale administrasjonen av Sokrates II og Leonardo da Vinci II.

Kontaktperson: Ekspedisjonssjef Ole Briseid, tlf. 22 24 76 00