Nytt professorat ved Høgskolen i Stavanger
Historisk arkiv
Publisert under: Regjeringen Bondevik I
Utgjevar: Kirke-, utdannings- og forskningsdepartementet
Pressemelding | Dato: 09.09.1999 | Sist oppdatert: 21.10.2006
Pressemelding
Nr.: 077
Dato: 09.09.99
Nytt professorat til Høgskolen i Stavanger
Kyrkje-, utdannings- og forskingsdepartementet gir Høgskolen i Stavanger ekstra økonomisk drahjelp til vidare fagleg utvikling innanfor sivilingeniørutdanninga.
Kyrkje-, utdannings- og forskingsminister Jon Lilletun informerte under eit besøk i Stavanger torsdag høgskolen om at det i budsjettet for år 2000 vil bli lagt inn eit professorat knytt opp til arbeidet med å vidareutvikle doktorgradsprogrammet. Også høgskolane i Agder og Bodø vil få tildelt professorat knytt opp mot sine aktuelle doktorgradsområde.
- Doktorgradstildelinga til Stavanger var ei sterk fagleg anerkjenning av kompetansen innanfor sivilingeniørutdanninga. Eg er oppteken av å stimulere den vidare utviklinga knytt opp mot doktorgradsområda og vonar at det nye professoratet vil opplevast som ei ekstra vitamininnsprøyting i den prosessen, sa statstråd Jon Lilletun under sitt møte med leiinga for høgskolen torsdag.