Pressemelding

Nr.: 58
Dato: 01.10.1999

Oppfølging av tiltak i Handlingsplan for redusert risiko ved bruk av plantevernmiddel

12 mill kr er avsette over jordbruksavtalen for år 2000 til oppfølging av tiltak under Handlingsplan for redusert risiko ved bruk av plantevernmidler (1998-2002). Dette er ein auke på 3 mill kr i høve til løyvinga for 1999. I samsvar med tilråding frå ei arbeidsgruppe nedsett av jordbruksavtalepartane, har Landbruksdepartementet fordelt midlane på tiltak. Nytt tiltak er at det skal etablerast ei godkjenningsordning for levande nytteorganismar til bruk i biologisk bekjemping. Funksjonstesting av sprøyteutstyr som har vore ei friviljug ordning, skal bli obligatorisk.

Fleire tiltak under Handlingsplan for redusert risiko ved bruk av plantevernmidler (1998-2002) vert i hovudsak finansierte over det ordinære statsbudsjettet, m.a. til godkjenning og kontroll med bruk av plantevernmiddel og overvakingsprogramma for næringsmiddel og miljøet. Ei rekkje tiltak vert dessutan finansierte med midlar avsette over jordbruksavtalen.

Under jordbruksoppgjeret i vår vart det avsett 12 mill kr over jordbruksavtalen til oppfølging av tiltak under handlingsplanen for år 2000, dvs ein auke på 3 mill kr i høve til 1999.

Ei arbeidsgruppe nedsett av jordbruksavtalepartane for å evaluere tiltak under handlingsplanen har gjennomgått status over framdrifta, og på det grunnlaget fremja forslag til vidare oppfølging. I samsvar med tilråding frå gruppa har Landbruksdepartementet fordelt dei 12 mill kr på tiltak.

Løyvinga til Skadetersklar, prognose- og varslingstenestene er auka med 1 mill kr i høve til 1999, og får i alt 3,7 mill kr. Til Forsking og utviklingsoppgåver (FoU) er det av denne potten avsett 4,2 mill kr, dvs ein auke på 2 mill kr. Utvikling av alternative metodar og tiltak, særleg innan ugrasbekjemping i korn, og på område der brukbare alternativ manglar, f eks innan grønsak- og bærproduksjon, vil bli vektlagt.

Vidare er det behov for å trappe opp FoU-aktiviteten vedrørande plantevernmiddel og miljørelaterte problemstillingar under norske tilhøve, medrekna auka behov for kjemiske analysar.

I samsvar med framlegg frå Landbrukstilsynet og tilråding frå arbeidsgruppa skal det etablerast ei godkjenningsordning for levande nytteorganismar til bruk i biologisk bekjemping.

Friviljug funksjonstesting av sprøyteutstyr har hatt så dårleg oppslutning at Landbruksdepartementet etter tilråding frå arbeidsgruppa vil gjere ordninga obligatorisk.

Midlar avsette i jordbruksoppgjeret på tiltak under handlingsplan for plantevernmiddel

*) Ein føreset at tildeling her må sjåast i samanheng med den generelle potten som er avsett i jordbruksoppgjeret til FoU, der plantevern er eit prioritert forskingsområde. Midlane vert forvalta av

Styret for forskingsmidlar over jordbruksavtalen.

Kontaktperson:
Statssekretær Jan Erik Sundby, telefon 91 75 26 10
Avdelingsdirektør Martin Holtung, telefon 22 24 93 02
Seniorrådgiver Kåre Årsvoll, telefon 22 24 92 42