Pressemelding

9. desember 1997

Miljøverndepartementet gjev støtte til ein "gamal slitar"

Miljøverndepartementet har gjeve 500 000 kroner i støtte til sikring og bevaring av D/S "Borgenes". Fartøyet er bygd i 1942 og var i aktiv krigsteneste på alliert side under krigen. I 1947 kom fartøyet til Kristiansund og blei bygd om til havgåande trålar. Båten gjekk i opplag i 1973 og har etter det freista ein heller usikker lagnad. Båten var klar for opphogging då Norsk Forening for Fartøyvern og Nordmøre Museum fekk slept "Borgenes" til si gamle heimehamn, Kristiansund, våren 1997.

Tilskottet er gitt som eingongssum og er meint som grunnlag for det vidare arbeidet med å bevare fartøyet. Det vil såleis være opp til Norsk Foreining for Fartøyvern og Nordmøre Museum å finne løysingar for det vidare arbeidet med sikring og vern av D/S "Borgenes".