Pressemelding

Dato: 3.12.1999

Ikkje sak mot norsk ulveforvaltning

Den faste komitéen i Bernkonvensjonen fann ingen grunn til å starte sak mot norske styresmakter etter vedtaket om felling av to ulvar vest for Glomma i januar i år. Saka vart lagt fram for Bernkonvensjonene etter at Norges Naturvernforbund og Foreningen Våre Rovdyr meldte vedtaket inn for namsretten som brot på Bernkonvensjonen.

-Det er gledeleg at vi no har fått stadfest at den forvaltningspolitikken vi har valgt for ulv ligg innafor ramma av Bernkonvensjonen, seier Miljøvernminister Guro Fjellanger.

Møtet i den faste komitéen vart avslutta i Strasbourg i dag, 3. desember.

Kontaktperson: Pål Vidar Sollie, telefon 91805597