Pressemelding

Dato: 24.september 1999

Seks nye år for direktør Orheim ved Norsk Polarinstitutt

Direktør Olav Orheim er i statsråd i dag utnemnt som direktør ved Norsk Polarinstitutt i Tromsø for seks nye år.

Olav Orheim ( 57) er glasiolog og klimaforskar med mange års erfaring frå polarekspedisjonar til Antarktis og Arktis. Han har utdanning frå Universitetet i Bergen og doktorgrad frå Ohio State University i USA.

Olav Orheim starta karrieren ved Norsk Polarinstitutt i 1972. Sidan 1993 har han vore direktør ved Instituttet. I tillegg har han sidan 1989 vore Professor II ved Universitetet i Bergen. Han har dessutan fleire sentrale verv innan glasiologimiljøet nasjonalt og internasjonalt.

Direktør Orheim er og kjent som initiativtakaren til det kjente bremuseet i Fjærland i Sogn og til opplevingssenteret Polaria i tilknyting til Polarmiljøsenteret i Tromsø.

Utnemninga av Orheim gjeld for ein åremålsperiode på 6 år.