Pressemelding

Dato: 31. august 1998

Næringslovutval-forslag om ein nasjonal dugnad: Opprydding i forskriftsverket

Næringslovutvalet har i dag overlevert til nærings- og handelsministeren eit forslag til eit treårig prosjekt - ein nasjonal dugnad - for å rydda opp i det norske forskriftsverket.

Gjennom lover og forskrifter legg offentleg sektor viktige premissar for næringsverksemd. For næringslivet er det avgjerande at regelverket, i tillegg til å gje stabile og forutsigbare rammevilkår, er lett å forstå og finna fram i, og minst mogleg ressurskrevjande å etterleva. Forskriftsverket er utan tvil stort og omfattande, og lite oversiktleg. Det finst i dag om lag 4550 sentrale og 7550 lokale forskrifter, og talet er stigande. Næringslovutvalet meiner det no er på tide å setja i gang eit arbeid for å forenkla dette regelverket.

Arbeidet med oppryddinga av forskriftsverket skal etter utvalet sitt forslag ha tre hovuddelar: Først kartlegging, så strukturgjennomgang og -forbetring og til sist ei gjennomgang og forenkling av innhaldet på dei områda der strukturgjennomgangen viser at det er behov.

For å sikra den nødvendige prioriteringa og framdrifta i prosjektet, er det etter Næringslovutvalet si vurdering ein føresetnad at det er Regjeringa som vedtek å gjennomføra dugnaden.

Næringslovutvalet tilrå vidare at gjennomgangen vert gjort for heile forskriftsverket, og at den også omfattar lokale forskrifter. Utvalet legg også fram eit forslag til organisering av arbeidet, med ei styringsgruppe leia av Justisdepartementet og Statskonsult som prosjektleiar.

Kontaktpersonar:

• Utvalsleiar Helge B. Andresen, telefon 62 35 80 93 eller mobiltelefon 943 61 794
• Underdirektør Kari Bjørke, Nærings- og handelsdepartementet, telefon 22 24 66 75

Forslaget frå Næringslovutvalet kan tingast på telefon 22 24 66 73