Pressemelding

Nr. 35/1999
Dato: 10. mai 1999

Tilbod om utvinningsløyver under Nordsjøtildelingane 1999

I samband med Nordsjøtildelingane 1999 får 14 selskap tilbod om utvinningsløyver i Nordsjøen. Selskapa vil få tilbod om andelar i til saman 19 blokker eller delar av blokker. Saka vart drøfta i regjeringskonferanse i dag.

Nordsjøtildelingane 1999 blei utlyst for å sikra god ressursforvaltning i den mest modne delen av den norske kontinentalsokkelen. I valet av blokker for utlysing i Nordsjøtildelingane 1999 blei tidskritisk areal prioritert, dvs blokker nær infrastruktur med ledig, eller nært foreståande ledig kapasitet, og blokker nær norsk kontinentalsokkel si grenselinje.

Nordsjøtildelingane 1999 blei lyst ut i november 1998 med søknadsfrist 25. februar i år. Det blei i alt motteke søknader frå 18 oljeselskap på 20 av de 33 utlyste blokkene.

Det vert gjeve tilbod om 11 utvinningsløyver i nye områder.

Følgjande selskap er tilbode operatørskap i nye områder, antal i parentes:

Norsk Hydro (3), Agip (2), BP Amoco (2), Esso (2), Statoil (1) og Shell (1).

Følgjande selskap er tilbode deltakarandelar i nye områder (inkludert operatørskap), antal i parentes:

Agip (2), BP Amoco (2), Enterprise (3), Esso (2), Norsk Hydro (4), Mobil (4), RWE-DEA (1), Saga (1), Shell (1) og Statoil (2).

I tillegg vert det gjeve tilbod om 3 mindre tilleggsløyver til eksisterande utvinningsløyver for Vale, Gullfaks Gamma og Brage.

Kart fins på departementets nettsider: http://www.oed.dep.no

Vedlegg, Tilbod - Nordsjøtildelingane 1999

Nye områder

Kontaktperson: Sissel Edvardsen, tlf. 22 24 61 09