Pressemelding

Nr: 78/97
25.11.97

5 vil bli fylkesmann i Hordaland

Det har komme fem søknader på embetet som fylkesmann i Hordaland, som blir ledig når Håkon Randal går av ved oppnådd pensjonsalder. Dei som har søkt er nåverande fylkesmann i Finnmark, Svein Alsaker, Vadsø, tidlegare stortingsrepresentant Bjørg Hope Galtung, Jondal, direktør Ståle A. Meland, Kongsberg, stortingsrepresentant Hans J. Røsjorde, Stord og assisterande fylkesmann Johan B. Synnevåg, Bergen.

Svein Alsaker (57) er utdanna jurist. Han er tidlegare politiembetsmann, statsadvokat og byrettsdommar og stortingsrepresentant for Kristeleg folkeparti i Hordaland frå 1985 til 1993. Frå 1983 til 1985 møtte han som fast vararepresentant. Han blei utnemnd til fylkesmann i Finnmark i 1990 og har fungert i embetet sidan 1993.

Bjørg Hope Galtung (55) er utdanna lærar. Ho har hatt diverse kommunale verv i heimkommunen Jondal, var studieleiar i Hordaland Senterparti 1982-87 og har vore nestleiar i fylkespartiet sidan 1988. Ho var stortingsrepresentant for Senterpartiet i Hordaland og 2. varapresident i Stortinget frå 1993 til 1997. Frå 1997 er ho 1. vararepresentant til Stortinget.

Ståle A. Meland (49) er utdanna lærar og har bl.a. hatt stillingar som lærar, pedagogisk konsulent og skolesjef. Han var skoledirektør i Oppland frå 1989 til 1994 og var kommunaldirektør i Kongsberg 1994-95. Frå 1995 er han direktør i Kyrkje-, utdannings- og forskingsdepartementet.

Hans J. Røsjorde (56) er cand.real. og lektor. Han var sjef for Stord HV-område frå 1974 til 1990 og medlem av Stord kommunestyre frå 1979 til 1987. Han er stortingsrepresentant for Fremskrittspartiet i Hordaland frå 1987 og leiar av forsvarskomiteen i Stortinget frå 1989. Frå 1989 til 1993 var han lagtingspresident og er visepresident i Stortinget frå 1997.

Johan B. Synnevåg (56) er utdanna jurist. Han var kontorsjef i Bergen kommune 1977-82, men har elles vore tilsett hos Fylkesmannen i Hordaland sidan 1971 som juridisk konsulent, kontorsjef og avdelingssjef. Sidan 1995 har han vore assisterande fylkesmann i Hordaland.

Kontakt for nærmare opplysningar: Ekspedisjonssjef Kasper Holand, Forvaltningspolitisk avd., tel. 2224 4980.