Pressemelding

Nr. 75/97
Dato 22.10.97

Kjell Alvheim ny statssekretær

Opplæringsleiar Kjell Alvheim frå Øygarden i Hordaland er utnemnd til statssekretær i Planleggings- og samordningsdepartementet (PSD) fram til årsskiftet. Frå og med regjeringsskiftet har PSD også ansvaret for Arbeidsavdelinga i Kommunaldepartementet. Frå 1.1.98 vil Alvheim bli statssekretær i det planlagte Arbeids- og administrasjonsdepartementet, der dagens PSD vil utgjere hovuddelen.

Kjell Alvheim er 53 år gammal. Dei siste fire åra har han vore opplæringsleiar i organisasjonen Kommunal Opplæring. Han er utdanna lærar, og var lærar i grunnskulen i heimkommunen fram til 1980, då han blei pedagogisk konsulent ved Øygarden skulekontor. Frå 1988 til 1991 var Alvheim leiar for ei familieeigd fiskeoppdrettsbedrift.

I tillegg til lærarfagprøva har Alvheim vidareutdanning i bl.a. handelsfag, samfunnsfag og bedriftsøkonomi. Politisk tilhøyrer han Venstre. Han har bl.a. vore ordførar i Øygarden i seks år, medlem av formannskapet i åtte år og kommunestyremedlem frå 1972 til 1988. Frå 1988 har han vore medlem av Hordaland fylkesting og fylkesutval. Elles har han hatt ei rekkje tillitsverv i Venstre ved sida av offentlege verv.

Kjell Alvheim er gift og har to vaksne barn.